الله يعنيك يا زول نطحني بأيمن السوق
بالمدعي حادر من عند سوق الجودريه
ما نيب اعرفه لا شك أنه لطلاب الهوى عوق
يسوق راعي الهوى سوق المنجب للمطيه
بغيت اباريه والى أنه مع المطراق مرفوق
وإلى أن ما في يدي حيله أو لا لي مقدريه
ما سوق ما سوق يا قلب الخطا ما سوق ما سوق
لو ان عندك معرفه ما تولّع باجنبيه
يا عود موز يديره بارد النسناس برفوق
فيه الثمر مال يطرب راعي العين الشقيه
يا ناس عمر الفتى لو طالت الأيام ملحوق
والمسعد اللي يحصل مقصده والنفس حيه
وين انت يالصاحب اللي في خفى السد ماثوق
ابدى لك السالفه وتشوف هي حق او خطيه
واحفظ لسانك ترا البلوى تراقب كل منطوق
ترا البلاوي مركبة على لفظ الزّريّه
أنا تحدرت لبلاد الرياض وصاحبي فوق
متى على خير تلتمّ الرّعيه بالرعيه
"مدارات شعبية"