ياللي نويت السفر سواح وحجزت عبر السعوديه شدّك على الطايره مشواح تبعد حراويك والنيه ودّك تصيّف تبا ترتاح وسط البلاد الضبابيه فكر شويه ترى ما راح يروح بوقات وهميه ما بالمظاهر فنحر وارباح لو قلت عاده وصيفيه ما كل يا صاحبي من ساح يسلى بدار الخواجيه بعض العنا يتعب وذباح يكتب على النفس مرثيه يا نجد فيك القمر وضاح ضافي على ورد ديميه يا ديرتي والحيا ما طاح عندي فيافيك محميه محمية عشبها الفواح يجذب هوى كل ريميه يا نجد برق الحيا لا لاح يزهاك مزنٍ كشف ضيه عسى الوطن في رخا وافراح دايم لياليه عيديه |
عبدالله الطريسي | 
"مدارات شعبية"