وين السفر؟ يا عاشقين المصايف
المملكة بأحلا المصايف تحلا
دار الملوك وقدوة للطوايف
النور يسطع والظلام يتجلا
ليه الكدر ليه السفر والكلايف
لدار الظلال اللي يجيها يظلا
اشوف شي وغيري الكل شايف
واللي تبي تنهاه قال اتسلا
وترا التسلي يالنفوس العفايف
صون النفوس عن الخطا والمذلا
وترا التسلي لا بديت النوايف
وخليت نفسك للمعالي تعلا
وترا التسلي ركعتن وانت طايف
عند المقام وبالخلايق تملا
لا راجين منكم ولا ني بخايف
هاذي نصيحه من فوادي تزلا
يالله ياللي بالمخاليق رايف
ياللي على كل الخلايق تولى
تحمى بلاد مرويين الرهايف
اهل السيوف اللي للاعداء تسلا
ابلاد ابو متعب وريث السلايف
اللي بكل الشعب رحب وهلا
ابو اليتاما والرمل والضعايف
دون البلد والشعب حاشا وكلا
زاد الرواتب واعتنا بالوظائف
الله يدله يوم للطيب دلا
"مدارات شعبية"