وين القصيد اللي يروَّح عن الروح
يا كود همٍِ بين الاضلاع ينزاح
وين السوالف والتعاليل ومزوح
مع الربوع اللي له الكيف ينساح
السد ماهو بين الاثنيين مفضوح
والكل منهم للمواجيب نطاح
ودي أهيض ودي أنوح وأبوح
اسج لو ساعه من الوقت وارتاح
كبدي تفوح وقلبي اليوم مجروح
والجرح ينزف يا مداوين الأجراح
يلعب بي الهاجوس من وين ماروح
وبا الليل ساهر لين فلاق الأصباح
مليت من كثر الغرابيل والجوح
وقررت اغادر واتركَ الدار يا صاح
طبيت في بحرٍ ولا نيب سابوح
تلعب بي الأمواج مع عات الأرياح
بحرٍ وحل بالغدر والظلم مسفوح
ولا نيب في بحر الخيانات سباح
ولا نيب ادور من وراءَ الغير مصلوح
ولا نيب احسب للخساير والارباح
ولا ني على دنيا الدنيات مشفوح
اخلي الهزلات واشوم يا صاح
"مدارات شعبية"