متى ما شعت الفكرة براس المبدع الفنان
وهي أكبر من ابداعه وفنه.. ماتت الفكره
واذا جت صدمة هزت من الداخل شعور انسان
ولو هي راحت بسرعه بقى طول الزمن ذكره
وأنا شفت الزمن طير هزيل وصرت له جنحان
واحس أن الألم سلك طويل وعمري المكره
ترى بعض العجاج أهون على الطرقي من الدخان
وطول اليوم ما يطفي لهيب الشوق عن بكره
وترى اكثر من يخاف من المطر من يسكن الوديان
ومن هو بالعطش مذبوح يشرب موية عكره
اذا أنه ما صدق حلمك..فحلمك خله اللي كان
مدام أن الفرح موجود عند البعض واحتكره
جميل نعلل الفرقا على أنه باب للنسيان
وإذا كبرت عزوم الطير ما يرتاح في وكره
ترى كل العزاء للي يحب.. ولا عشق ما خان
وبعض الناس له قدرة تحب.. وقدرة تكره
وأنا أجمل من عشق قلبي حبيب ما ترك عنوان
رحل واللي بقى رشة عتابه همهمه شكره
"مدارات شعبية"