عمي ولو طال الدهر ما نسيته
يا كيف ابنسى موغل القلب ذكراه
شهرين مرت وإن طرا لي بكيته
كلٍ يحسب إني طبيعي أبنساه
شهرين مرت والحزن ما قويته
كنت احسب أني لا غدى الوقت بقواه
شهرين مرت والغلا ماهقيته
عندي إلى هالحد سوا سواياه
ياموت ليه اللي نحبه خذيته
خذيت منا نادر في مزاياه
ياموت بدري جيتك ليه جيته
ياليتك اللي ما لفيته بملفاه
أطفيت شمعة موقده وسط بيته
كلن بكى ياشمعة الدار ويلاه
وين الذين بالجود مرفوع صيته
وين الذين للخير ممدود يمناه
هذاك إلى منك نويت ونصيته
ابشر بعزك يكرمك في عطاياها
سمح المحيا طيب لو بغيته
مطلق حجاجه والتواضع لمن جاه
يا غافر زلات عبدٍ هديته
تغفر لعمي يا إلهي خطاياه
وأنت الذي من فوق عرش عليته
تجعل له الجنات يارب مثواه
"مدارات شعبية"