أول مقال بالوفاء نبتدي به
ذكر الله المعبود في كل ساعه
وابهج فرح ببلادنا نحتفي به
زيارة الوالد وديع الوداعه
سر يا قلم واكتب بيوت عجيبه
أبيات أسجلها بعرف وبراعه
ارفع تحياتي بكلمات أديبه
وأقولها من باب صدق وقناعه
مخلص لأبومتعب ولا هي غريبه
مما بقلبي قلتها باندفاعه
عبدالله اللي كلنا نعتزي به
مليكنا راع الوفاء طال باعه
حلال عسرات الأمور الصعيبه
يمناه لأعداء المملكة سم ساعة
وحنا فداً له بالليال العصيبه
لأوامره نقول سمع وطاعه
عبدالله اللي كلنا نلتجي به
قائد حكيم بخبرته واطلاعه
من هيبته تنهار قوه حريبه
ليا ألقى خطاب تسجله كل اذاعه
ابوه طوعها وجتله صحيبه
بالسيف والتوحيد لم الجماعه
حارب وضم أجزاء البلاد الحيبيه
بالسيف لين النصر رفرف شراعه
يا الله عسى الجنه وعفوك نصيبه
اللي بناها من سواعد ذراعه
وسارو عياله مثل نهجه وطيبه
دستورهم سنة نبي الشفاعه
يا أهل الوفاء يا أهل العقول اللبيبه
الصدق مثل الصبح يبدي شعاعه
عبدالله القدوه لنا نفتدي به
بدنيا ودين وحكم عدل وشجاعه
زاد الرواتب للرجال اللبيبه
شعبه ليا دافع يشرف دفاعه
وأنهى البطالة دون شكه وريبه
ورخص على شعبه ثمين البضاعه
يا خادم البيتين مكه وطيبه
يا قايد الاسلام بانحاء بقاعه
وحياة رب العرش علام غيبه
ان الأمل فيكم يزيد اتساعه
ما دمت حي ما تجينا الغليبه
وشعبك وداعه وانت راع الوداعه
هذا الصحيح اللي يخلص طليبه
ولا خير في هرج بليا وقاعه
"ملحق حائل"