طحت من عيني ولا سمي عليك
رح لمن غرك وخله ينفعك
كنت أحبك في عمري شريك
ضعت من عمري وش اللي ضيعك
يوم أنا من جد أحبك وأرتجيك
من هو اللي صار عني يمنعك
كبروا رأسك وقالوا أنت فيك
الصفات اللي تغر وتخدعك
شفني أول كنت خاتم في يديك
يا مضيع خاتمك ماني معك
لا تدورني أنا ما عاد أبيك
مقتنع بالبعد وقتك يقنعك
مقتنع بالغير يمكن أنه يبيك
مقتنع بالغير خله يرفعك
انتهى الموضوع سلم لي عليك
ناصحك بالبعد خله ينفعك
"مدارات شعبية"