كل ما جيت انتهي منك بديت
وان بديتك بالغلى شفتك نهايه
حرت أنا وياك ما أدري وش نويت
صرت حلم ما تحقق به رجايه
ان طلبتك بسألك منك استحيت
وان نشدتك ما نشدتك عن غلايه
كنت واثق بالحبيب اللي هويت
وأثريا خلاف اخلفت النوايه
من عرفتك ما خبرتك لي صفيت
الجزاء منك وأنا هذا جزايه
لو أبي غيرك ترى واجد لقيت
بس أنا اخترتك حسبت انك دوايه
وافي لك بس انت ما وفيت
ظامي واحسبك تروي لي ظمايه
كم صرح وسط قلبي لك بنيت
كني موصى على حبك وصايه
المحك قدام رمشي لا غفيت
وأسمعك لكن تحكي لي روايه
واتبعك كني على دربك مشيت
كن خطواتك تسابق مع خطايه
والله أني في محبتك ابتليت
قصتي صارت حكايتها حكاية
ان شكيت بصمت كني ما شكيت
وان سكت الهم يجرح لي حشايه
ليتني درب مشيته ما مشيت
غلطتي يوم أحسبك غاية منايه
"مدارات شعبية"