خطا نصبر ونصبر والزمن يركض بدون حساب
تجاوزنا الزمان ومل صقر الصبر مرقابه
وأنا في كل يوم اصارع الحسره واهز الباب
على موعد لقاك اللي سنه وانته تغني به
تعبت من انتظارك يا مغلف موعدك بغياب
وطول الانتظار يكرّه المحبوب فاحبابه
يا شين الحب كان انه تسبب فانهيار اعصاب
يا صوت عاش حلمي في رجاه ومات باسبابه
متى ننسى التعب ونقول طاب الوقت كله طاب
متى نلقى الفرح يصهل صداه وتدبك ركابه
يا حلو الكلمة اللي من شفاتك شكلها ينساب
متى ذاك الفرح نكسب رضاه ونكتب كتابه
متى الوذ بعيونك يا عيوني واهجر الاتعاب
تعال اجمع شتاتي مل صقر الصبر مرقابه
"مدارات شعبية"