(صاحبي)؟!.. وكنه يغافل من ترصد للحكي
كلمته والقصد فيها له معاني مزعجة!
(صاحبه) يقصد (خويه) لا تذاكى يالذكي
كن ما حوله فهيم له تجارب منتجه!
لا تسيء الظن فيني أو تلوث مدركي
في دعاويك البذيئه أو مقاصد محرجه!
الشرف روح بجسمي درب حدد مسلكي
دام فيني الدم يجري في عروق وأنسجه
مستحيل تشوف مني قدر غرزة مشبكي!
لو أموت اشرف لعمري دام هذا منهجه
لو تفاجأت بعواصف كاسحه لا تشتكي
من يفكر في هروب بدرب ضيع مخرجه؟!
أحسن تواجه مصيرك دام طحت بمشركي!
أحسن النيه وربك كل ضيق يفرجه!!
لا تقول انتِ عنيده يا فتاتي (شو بكي)؟!
شوف حتى الهرج عندك صار كذب وبهرجه!!
صاحبك يعني خويك خل تقليب الحكي!
والبشر ما هي غبيّة بالمعاني (المدمجه)!!
"مدارات شعبية"