ليا حار فكرك وضاق الصدر مما بك
وضاعت مشارق علومك في مغاربها
اعنز على اللي يفك الضيق لاصابك
واترك حبال المطيه فوق غاربها
وليا انجلت ضيقتك وانفلت أعصابك
ودنياك عقب الغثا صفيت مشاربها
أولى بك إنك تعود لربك أولى بك
وتخشاه من ساعة تمشي عقاربها
هذي لدينك ودينك حقه أجدى بك
وان قلت دنياك قلنا لك تجاربها
احسب حساب الرجال وتحسب حسابك
اللي على الطيب مكرمةٍ شواربها
وعدوك إلبس له أغلى وأجمل ثيابك
واشهر له اللي عطيباتٍ مضاربها
والشايب اللي تخير خالك وجابك
سالم على شانه الدنيا وحاربها
"مدارات شعبية"