ذريتي ما ذريتي وش ذريتي يا رياح الخوف
تدفين العواصف والقواصف في طوارفها
وأنا أحس العواصف والقواصف في صميم الجوف
ولكن أتصبر وأتجاهلها وأنا أعرفها
وأقول اصبر عليها اليوم والليلة وصبح أشوف
ويوم الغد جزر ومد والأفكار يصرفها
وأنا العاشق وأنا المغرم وأنا الضامي وأنا الملهوف
وأقول العفو يا مجر الرياح ويا مصرفها
إلى قصة غرام في حشاي إلها نقط وحروف
ولابه شي يمحاها.. ولاشي يحرفها
كتبها من كتبها وإن محاها ما عمل معروف
أنا أحب الحروف اللي تشرفني وأشرفها
أبيها وسط قلبي سر ما أبغاها على المكشوف
ولا أبغي عاتي التيار يخطفها ويجرفها
رسالة حب ما تكتب وترسل في ورق وزروف
وراحدب الضلوع اقرأ معانيها وأزرفها
ولا يسمع بها الجاهل ولا يمشي به الملقوف
ولا علم بها اللي كلمة اعرفها.. مطرفها
الى منه هرج جاب السوالف طوف يتبع طوف
من أدناها الى أقصاها يخلطها ويغرفها
"مدارات شعبية"