نخيت جزل البيوت ويوم قمت انتخيه
قام يتزّهل وأنا أخبره وخابر وفاه
قلت انتق أعذب كلام وقال لي بنتقيه
لكن بمن؟ قلت عبد الله ولا به سواه
الله ليا حب شخص يحبب الناس فيه
والشعب ما فيه قلبٍ ما نبض لك غلاه
يا الحاكم اللي يبي شعبه وشعبه يبيه
دكاترة علم وأصحاب القلم والرعاه
توّحد الشعب وآرائه وتدرون ليه
لأن ما فيه حاكم ياصل لمستواه
العادل العاقل العف الحكيم النزيه
الديّن الليّن اللي للمعادي قساه
عبد الله العطف والإحساس راحة يديه
والطيب فعله والاطمئنان منطق شفاه
السعد هو ضحكة حجاجة لمنهو يجيه
والعدل ميلة عقاله والذرا في العباه
والعز هو فزعته للي يبي ينتصيه
والأمن هو وقفته للي لجا في ذراه
يعامل الشعب كله كنهم من ذويه
والتفرقة ما لها عند أبو متعب طراه
شبيه نفسه ولا له بالبسيطه شبيه
واليا عطا ما أحدٍ بالأرض يعطي عطاه
نقول بنفوسنا لو ما حصل ننتقيه
الله يسعد صباحه وأسعد الله مساه
بأرواحنا وبعزيز عيالنا نفتديه
عساه يبطي وهو حيٍ لنا بالحياه
ذخرٍ لنا كل ما ضاقت علينا نجيه
الله يصونه من صدوف الدهر ويحماه
"مدارات شعبية"