يالقصايد افزعي لي بالحروف الابجديه
افزع افزع يا قصيدي تو ما جا لك لزومي
أه من عصر الثلاثاء شب نار الحزن فيه
يوم قالوا لي محمد مات زادت بي همومي
هد حيلي واختلفت وراعني وأغمي عليه
وارتبكت ولا قدرت امشي وخانتني عزومي
اغرق المنديل دمعي والخوي يبكي خويه
والبقاء لله ما حيا على الدنيا يدومي
آه من جرح تزايد وآه من عين شقيه
كل ما نامت عيون الخلق عيت لا تنومي
كيف أبأنسى الصاحب اللي فيه طيب وبه حميه
راعي السن الضحوك وراعي القلب الرحومي
جعل قبره روضه خضراء وجنات عذيه
والله ينجيه من ناره ومن حر السمومي
ادري ان الموت حق وتالي العمر المنيه
وادري ان العمر فاني والزمن مثل الحلومي
والحظيظ اللي يطيع الله على سنة نبيه
والغشيم اللي مفرط لا يصلي ولا يصومي
راضي باللي كتب ربي ووش تملك يديه
حكمه الخلاق رفاع السماء منشي الغيومي
"مدارات شعبية"