وفر دموعك لا تظاهر بالأحزان
لا لا تقول ان السبايب غيابي
أفراحك اللي عشتها عمر وازمان
ما تكتمل إلا بشوفة عذابي
خليتني للهم والحزن نيشان
سددت رمياتك وزادت مصابي
حاولت اجامل واحتمل قدر الامكان
يا كثر ما ضاق بلساني عتابي
آخذ معك واعطي ورا ظلمك احسان
واجاملك واصبر على جور ما بي
ادري ظروف غير تايه وحيران
مير المصيبة ما تحسب حسابي
صورت لي ودك ومثلت باتقان
تسأل وتتمنى وتلقى جوابي
واليوم ليت اللي مضى كان ما كان
ما عاد لك صفحة تسود كتابي
كيف اطلب الما من تحراه عطشان
لو شحت اراضي ما عصاني سحابي
هذي دروبي سيرتي رحلة انسان
مامرني خاين ولا دق بابي
يكفي تعودت اعتذر وانت غلطان
ما عندي استعداد اضيع شبابي
"مدارات شعبية"