لا عاد علم نهار السبت فاجاني
كدر علي الصباح وزود أحزانه
قالوا توفى صديقك ذرب الأيماني
الله يعوضه بجنة عدن وإحسانه
لا والله إلا فقدنا طير حوراني
عسى العوض في بقا ثفنان واخوانه
والله يجبر عزاكم يا آل ثغناني
ويجبر عزا اللي شكى من حر فقدانه
يا مكرم الضيف والجيران والعاني
النادر اللي علوم الطيب عنوانه
وشلون مارثيه كنه ثالث اخواني
وراع الوفا معتبرني حسبة اخوانه
مرحوم يا راعي الفزعة كحيلاني
فهد عسى جنة الفردوس مسكانه
الله يجزى على حسناته إحساني
ويجزى على سيته عفوه وغفرانه
العمر لو طال لا بده ترى فاني
والحي لا بد ما يأتيه ديانه
لا شك هذا القضا من عالي الشاني
مكتوب من والي الأقدار سبحانه
الله يبيحه عدد ماهل وداني
وإعداد من حج بيت الله وأركانه
"مدارات شعبية"