يا طالبٍ قربي ترى القلب مذبوح
والروح عقبه مستشبّه حريقه
أمسيت انا ما بين هالصمت والبوح
والليل تمسى به عيوني غريقه
تاره أجر الصوت والصوت مبحوح
والصوت لا من صحت ما حدٍ يعيقه
والخافق اللي ضاق من زود لجروح
يشكي ثقل حملٍ أبد ما يطيقه
ويشكي هموم عقبت كثرة النوح
وليا غدي باكر غدت مستفيقه
دومه ترى هالقلب مفضوح مفضوح
ويا طالب قربي تراها الحقيقه
كذبه لها عنده منارات وصْروح
وانا احسبها ساس قصه عريقه
هذي نهايتنا انا وسارق الروح
يا الله عسى ربي ينور طريقه!
"مدارات شعبية"