عايش معك مكسور خاطر ومجروح
ولا كل كسر يجبره سيل الاعذار
مخطي علي وأقول يا خل مسموح
لو كان من سبَّتْك قلبي به النار
ماشفت دمعي من على الخدّ مسفوح
وما قلت لك حرفٍ يسبّب لك اكدار
الكسر باقي زوّده قِلة البوح
بين الحنايا ساكن القلب له دار
ماهو بطبعي اشتكي واكثر النوح
وحبّك حبيبي فوق وزن ومقدار
ما دام حبي لك به اليوم مصلوح
باصبر واجرّح خاطري مرّ الامرار
وارجيك ربّي قبْل ما روحي تروح
تجْبر كسوري قبل ما النفس تنهار
"مدارات شعبية"