يا اللي زدتي عن حدودك بالكلام
اسمعيني وارحلي للي تبين
طيبتي مرضا يجي فيها ملام
طيبتي هي راس مالي أفهمين
مالقيتي عيب فيني والغرام
صرتي للي من زود طيبي تشتكين
لو بغيت امثل ادوار الهيام
كان والله من عذابي تتعبين
البداية حب واخرها انتقام
والنهاية انتي اللي تندمين
اسمعيني لاتوهي بالزحام
أن فقدك صعب ليا ترجعين
وكان تبغين المحبة والسلام
والصراحة والفرح بس طاوعين
اتبعيني وحبنا يبقى وسام
ويحسدونا فيه كل العاشقين
حبنا مثل القمر وسط الظلام
ساطعاً نوره على العالم يبين
"مدارات شعبية"