ألا يا مرحبا بك يا ولد من ناصر الإسلام
أبو تركي حكم بالدين والعربان ممنونه
حكمها وانجلى عصر العناء والظلم والأوهام
وعاش الناس بأمن وعن جميع الشر مأمونه
بعزم وحزم وتصميمٍ وتفكيرٍ وحد حسام
جمعها والله اللي حكّمه والشرع قانونه
وأكرر وأثني الترحيب وترحب بك الأيتام
بعد رب الملا من جاك ضايق توفي ديونه
هلا بسلطان غيثٍ يتبعونه والسعد قدام
أقوله والحقايق ثابته والطيب ماعونه
هلا باللي لنا درع وذرا في الكايده وحزام
على الشدات أبو خالد هل الحاجات ينصونه
هلا بالخيّر اللي من ملوكٍ وافيه وحشام
نودك من قلوبٍ فيك يا سلطان مفتونه
هلا بك صدق ما هي لا تماثيلٍ وبث أفلام
قصيم الخير يفرح بك ولاجلك يظهر فنونه
نهلي بك باسم فيصل ابن بندر كريم شمام
أمير المنطقة والعدل هو ساسه وديدونه
مع النايب سمي الفيصلي والكل من حكام
سلايل نسل أبو تركي زبون الحرب وركونه
وابا اخص الزعيم اللي وفاء سيد العرب مقدام
صليب الراي ويل اللي نواه يطيح من دونه
ملكنا خادم البيتين شهمٍ حاذقٍ عزَّام
أبو متعب به الفزعات والنخوات مضمونه
حرب كل الطغات وذلهم والكل منهم هام
وقفوا والهزايم من بعد ذلك يجرونه
خذا بالمجد عبدالله شهاده مع شرف ووسام
قضايا العرب تشهد له ورايه ما يتعدونه
تعلى واعتلى بالعزّ حرٍ من ضرب ما قام
كبار القوم من هيبة قوي الباس يخشونه
على الشعب السعودي له فضايل عالي المقام
يهل الخير من خيره شربنا صافي مزونه
ترى اللي يعتزي باخوان نوره حق ما ينضام
ومن يزين هل العوجاء لزوم إنه يفكونه
سل التاريخ ينبئ ما طوتها سبق الأيام
يجيك العلم عن علمٍ يقص الراس ومتونه
هل التوحيد هم نور البلاد وخيرة الحكام
وراع الدين يدنونه وغيره ما يدانونه
وأبا ارجي من ولي الكون إله واحدٍ علام
يديم آل السعود اللي علينا تسهر عيونه
"مدارات شعبية"