من خلقت وما اذكر انه.. صيّح بي صيحة عتاب
ما اذكر اني كثر ما اعطي.. مرةٍ قد قلت هات
في زمانٍ صار شحه.. يسبق الما للتراب
نصف عمري راح جهد.. ونصفه الباقي هبات
كم نزفت زلال دمي.. للغلا شرب وزهاب
عيبي إني ما اقدر ابخل.. دام بعروقي حياة
نيتي والشاهد الله.. مثل صفحات الكتاب
وراس مالي هالضمير.. وهالصيام.. وهالصلاة
والطموح اللي عطاني وجهة دروبي وغاب
من غيابه شف دروبي.. كلها صارت جهات
والظنون اللي غدت بي من سرابٍ في سراب
قلت عقب الياس ابصبر.. واطلب الله الثبات
أرجي الله واطلبه لي.. خاتمة حسن المآب
نلتقي بجنان عدنٍ.. عقب فرقا هالحياة
"مدارات شعبية"