معقول أنا بس لك مشتاق بلحالي
معقول ما أنتي مثل ما اشتاق مشتاقه
معقول هالصدر شال الحب بالخالي
ماني مصدق جفوقي تكذب أشواقه
إلى انكسر خاطري سبة سعة بالي
يجهش على الجاش شيء يحرق أوراقه
قاسي غلاك انتخى به عذب موالي
لو هو عزيز انحنى لعيونك عشاقه
تعودت ذكرياتك شرب فنجالي
ما جابت الموت.. لكن ذقته ذواقه
يا كثر ما حدني صدك على حالي
والصمت يرعى من اعصباي على فاقه
دوك الجوارح بدت تظهر وتبرالي
واشيب عيني من الاحساس وفراقه
ما دام حبك خذا الاول مع التالي
الله يسامحك خوذي دمعي لحاقه
دنياك هذى تراها مالها والي
من يوم صار الوفا للوافي شفاقه
يا دانة البيد بين المر والحالي
أخاف يوم يجي ما عاد لي طاقه
وأقول هذي تراها أسباب غربالي
سميه الشمس بين الصبح واشراقه
"مدارات شعبية"