لك بلقبي غلا ما يوصفه عدد..
ولك مني أكبر تقدير وحشيمهْ
أنا وجودي بوجودك انوجد..
وحياتي بوجودك صارت كريمهْ
يا ما جفنك سهر وما رقد
وصبرتِ على التعب وظيمهْ
ودي آخد مرك وأسقيك الشهد
وأمحي حتى ذكراك الأليمهْ
ودي أهنيك يا وجه السعد
وأظل آخر طباعك الحليمهْ
كل ما خضع جبيني وسجد
قلت يا ربي غلاها إنت عليمه
يا ربي لا تحرمني منها أبد
هي الدنيا بدونك لها قيمه؟؟!
الله يحميك من عيون الحسد
وعسى فرحك ربي يديمه
وأشوفك بإذن واحد أحد
غارقة بين الهنا ونعيمهْ
قليل عليك تعيشين برغد
والله يبعدك عن الهم وجحيمه
وكل ما اهتزت دنياك برعد
بتلقين سماي تمطر لك ديمهْ
ولا عانس راس لفضلك جحد
والله لا بقى عدوه وخصيمه
وأنا وإياك وأوعدك وعد
بوجودي ما تحسين بهزيمهْ
ولو ربي ما عطاك إلا ولد
بس عطاك بنات لك رحيمهْ
نبقى لك دايم عون وسند
لأنك أم أكثر من عظيمهْ
"الرأي"