بين العقل والقلب مثل التحدي
يشبه تحدي النوم بالليل عيني
والفكر حيرني ولأيام ضدي
والوقت ضايقني ولابة معيني
بسرح بي الهاجوس جزرٍ ومدي
مدري اطيع الوقت وإلا حنيني
أزريت أبيّن للمخاليق سدّي
واعيش بالواقع بقايا سنيني
واخبّر المحبوب ودي وودي
وزود الغلا عندي وزود الونيني
واني اذا حبيت بالحب جدّي
يصير محبوبي لروحي وزيني
لأني أخشى لو يجي منه ردّي
وهم الكآبة والعنا يعتريني
ياوقت ليّن جانبك لا تشدي
وارخ الرباط اللي يقيّد يديني
وياهم مالك بي ورا ما تعدي
خل السعادة لو تكرم تجيني
وصلت من كثر الغرابيل حدّي
ليه التحكم في حياتي وفيني
"مدارات شعبية"