الليل ليلٍ سرمدي والهوى برد
النار يا محسن وكثر حطبها
شرد المهار تتعب مصخر الشرد
وأما صخرات الشرد ما جيتك ابها
عسايفي ما هيب عرجٍ ولا حرد
مثل المهار اللي تباري جنبها
مانيب منهو يسرد السالفة سرد
إليا امتطاها ما يوقف ذنبها
سريت في ليلٍ نجومه على برَد
والرجل ما حتيتها من تعبها
صدرت من عد عليه الهمل ورد
جربٍ من الحكة يعسكر جربها
يا حي نجد اللي تخاتيخها جرد
أرض الملوك اللي عريبٍ نسبها
زرع بها ريحان واقطف بها ورد
واسكن بها في قبة من قببها
"مدارات شعبية"