من حاربه وقته بالاقدار والميل
ما يهتني عزي لحالي وحاله
يضيع لو انه دليلة دواليل
وصاطي ولا يخطي وحلال قاله
يمكن بعد تضحك عليه المهابيل
والا تهزّى به اخدوش الجهاله
الوقت يا ضع للنشامي محابيل
وعون طيحةٍ في وسطها لا محاله
يا حبني يا هل الوفا للرياجيل
اهل العلوم الغانمة والجزاله
ويا بغضني لمروجين الاقاويل
اللي مجالسهم مجالس احثاله
يستنقصون من الرجال الحلاحيل
ويعذربون الكفو لا جا مجاله
اللي محبتهم بعضهم تماثيل
رفقة مصالح واخرتها نذاله
"مدارات شعبية"