يا حياة الحزن غنّي واطربي
وارسمي بسمة على الثغر الحزين
فرحة الولهان هذا اللي تبي
غير بسمة حب انتي وش تبين
نظرته شاطي وحبه مركبي
حركي مجداف قاربنا الرهين
من بحر شوق المحبين اشربي
يمكن انك من هواهم ترتوين
دوّني ما املاه قلبي واكتبي
وسطري ذكراك يمكن تذكرين
مطلب العشاق هذا مطلبي
حققي لي مطلبي لا تبخلين
ما كسبت ولا تحقق مكسبي
الدهر قاسي وعيّا لا يلين
بعثري غربة حياتي رتبي
التهاني والاماني والانين
يا حياتي لو سمحتي جربي
صدقيني جربي ما تندمين
في مشاعر عاشقك لا تلعبي
دامك بقلبي وعيني تسكنين
"مدارات شعبية"