ابشّرك جانا المطر واقبل الخير
والغيث وبله طاح منّا ومنّا
الارض رويت وارتوى الناس والطير
وودياننا سالت وولّى وهنّا
السيل كنّه يشتغل بالمواطير
ليتك تشوف مسابقه يا مهنّا
والورق غنّى وارقصنّ العصافير
وجابها المولى على ما نتمنّا
وريح الخزامى والنفل والنواوير
فاح وتغنّت به صحاري وطنّا
البال رايق والسما جوّها غير
والمزن بالوبل الزلال امطرنّا
يالله من فضلك وحسن التدابير
يا ملتجي اللي في زمانه تعنّا
يالله بغيثٍ ينهج الخد ويغير
على مكانٍ بالحيا ما تهنّا
حي السحاب اللي تنشّى من عصير
نوّه صدوق وبارقه لاح منّا
ساقه لنا المولى وسقنا التباشير
يوم المزون برحمة الله سقنّا
والخير عند الله لمن يرجي الخير
الرازق اللي لا عطا ما يمنّا
وابشّرك زاد المطر وامتلى البير
والغيث وبله ما بعد راح عنّا
"مدارات شعبية"