يا لله يا عالم دقاق الخفايا
فرد ولا غيرك من الناس نرجيه
رزاق ما بجحورها من حيايا
والخلق لاجله تتجه له وترجيه
ومن بعد ذا يا لله تجبر عزايا
باللي رحل والناس تلهج بطاريه
مرحوم يا شيخ جزيل العطايا
كريم مضياف بياض أياديه
لو تنشد بريدة وكل القرايا
وإلا فقير عادته دوم يعطيه
ولو تنشد المديون وأهل القضايا
وجمعية للبر تذكر حسانيه
وجمعية القرآن وأهل الوصايا
ولجان يرعاها وتذكر تفانيه
كان اشهدوا إنه كريم السجايا
وإنه فلا مثله من الناس تغليه
تبكيك يا صالح عطايا الخفايا
ورمل ويتمان تحرى زكاويه
ويبكيك محفلنا وكل الزوايا
وأرض الركية والمنايح تناديه
الناس لأفعاله سواه المرايا
تنقل حقايق شافته دون تمويه
مير العزا برجال نعم البقايا
تمشي خطى الوالد وتكمل مبانيه
قصيدة صغته على قاف آيا
جميل رديته ولا أظن توفيه
وصلّوا على المختار سيد البرايا
اللي نشر للدين وبيّن مباديه
"متابعة "