جهى المطر سافي الغرمول ما رشه
سحايب والمطر راعد وبراقي
وش عاد لو نبه العصفور في عشه
من كثر ما عذب العصفور ما ضاقي
تعلق الدمع في عينه ولا مشه
عباير في عيونه تحرق حراقي
لو دنق الدمع حول بالجمل قشه
لكن دمع الكرامه لو نزل راقي
يا صاحبي من كثر ما دمعي اخشه
محد درى عن جروح تسكن اعماقي
ما نيب هاك الغريق معلق بقشه
انا ثلوم الليالي جبرت ساقي
والله ما جامل الغشاش في غشه
ورزقي على اللي معه مفتاح الارزاقي
ويا صاحبي للوداع قلوبنا هشه
ما عاد تقوى اللقا اللي عقبه فراقي
الجرح يدمع ولا لي في الزمن هشه
وردع هموم على الخفاق تنساقي
لوي فقير العباد ومسكني عشه
ما غير الوقت لا طبعي ولا اخلاقي
لي حاجة في تقى الايام منخشه
لا جابها لي زماني ياخذ الباقي
"مدارات شعبية"