وش أكبرها مصيبة لا ذبحك أغلا بشر آهات
يبي منك المعونة بنتحب وينوح قدامك
وش اكبرها مصيبة كانها أمك مصدر الونات
تشيلك لا حشا ما ظنّها تشتالك عظامك
هلا لبية سَمي لو دموعي تسبق العبرات
هلا لا رحم أبوه ولا رحم مجناه من ضامك
أنا كلي جروح وجرحك انتي هدّني بالذات
أنا مالي بها الدنيا سوى الله يبعد آلامك
أبي قولة سعد تكفين قوليها ولو لحظات
أبا ابوس الجبين وراسك وخشمك مع ابهامك
عليّ الله شهيد لخدمك وبخدمتك رايات
ما دام الله يقول الجنّة أصلاً تحت اقدامك
"مدارات شعبية"