ودي بشوفه بس ماني قادر
وان كان شفته كيف اقول احبه
كيف اشعره واحسسه وابادر
وآمن جنابه واتحاشا الطبه
لا يحسب اني سيد عيني غادر
والا من اطراف اللسان العب به
حشا وكلا يالعفيف النادر
راع الخطا يلقى عقوبة ربه
حسبي على الطرف الكحيل الخادر
وش عاد خلا للنحر واللبه
قلته بعد سطا علي وصادر
نومي ودمعي من عيوني صبه
اول سنه يدرج بنفس الكادر
حديث عهد ولا نزل للغبه
وارد وانا اطوي في حبالي صادر
يغضي تقول انه علي مشبه
حاولت اغادر ما قدرت اغادر
الدرب اشوفه ما قدرت اذبه
المستند ليته نظر للحادر
والا على ما قيل راح وكبه
ما حمّله حمل البعير الهادر
ولا اركى عليه الجمره المشتبه
يا الله يا قادر ما غيرك قادر
عدل ميول الحظ باهون سبه
"مدارات شعبية"