لا تفتكرني خاضعة يوم أودك
لا يا حبيبي عزتي تاج راسي
وإن كان غرتك الليالي بصدك
لي شيمةٍ تعرف بها اليوم باسي
بعز نفسي لين وقتك يحدك
ماهوب طبعي يا حبيبي اواسي
هذي الصراحة: إيه نعم صرت ضدك
يوم الوفاء لك هو سبب كل بأسي
أكيد حبي والغلا لي يشدك
لازم يجي لك يوم مني تقاسي
وأدري لجوي يا عزيزي مردك
ما أدري وش اللي غيرك صرت قاسي
وإلا تعال وحط يدي بيدك
نبحر ونلقى للمحبة مراسي
وإن كان طبعك للتمادي يحدك
لا يا حبيبي عزتي تاج راسي
"مدارات شعبية"