أنا مزاجي دلةً كلها هيل
وسوالف الطيب ونظم القصايد
يا حلوها عندي وعند الرجاجيل
أهل السلوم الطيبه والعوايد
في مجلسٍ فيه الرجال الحلاحيل
ما تلحق الغايب بهرج النقايد
وليا بدى لك لازماً شدو الحيل
واليا أوعدو مايخلفون الوعايد
أعيال من شابو على قرح الخيل
يوم الزمان مشلهباً بالشدايد
واصد عن مجلس خدوش المهابيل
أهل القلوب الميتات البلايد
أهل النفاق مولفين الاقاويل
بين القرايب يشعلون الوقايد
واهل الحسد وأهل القلوب المغاليل
البعد عنهم من كبار الفوايد
مالي مع الانذال درب ومداخيل
من عاشر الانذال ماهوب زايد
"مدارات شعبية"