إن بكيتك قالت الدمعة نشبت
وإن نسيتك خايف العبرة تخون
من بحر عينك وانا راوي شربت
يا عيون ما تشابهها عيون
يكفي اني لا تذكرتك طربت
والله اعلم وش بقلبي من حزون
يا غريبة لجلك اشعاري كتبت
شدني لك ناعس اهداب العيون
من عرفتك يشهد الله ما كذبت
أدمح الزلات واحرقها دخون
يا سراب كلما جيتك نضبت
أسألك بالله قل لي من تكون
رافقتني عبرتي يوم اغتربت
من يقول إن العباير ما تمون
إيه انا اللي في الهوى تهت وتعبت
يوم كل العمر للغالي يهون
وش على الحساد لامني نشبت
والله اني راضي بكل الطعون
"مدارات شعبية"