تحرتك المشاعر لين تاهت ما انتشى لك حرف
سحايبها ترادم شوق لك. ما اشعلت بارقها
ترى ما فات.. تنعاه القوافي يوم هل الطرف
بروح تخفى أسرار العتب والهم طارقها
أشوف الحزن بوجيه القوافي ما يبي لي عرف
يحدق بالنظر يمي.. بعد سالت غوارقها
بكت وأحفت محاجرها.. وهل الدمع وأسرف سرف
يساقيها رداً حظ ثمان شهور حارقها
بنات الفكر عقبك كلها ممنوعة من الصرف
تناقص حالها باليوم وانته ما تفارقها
مشاكيل القوافي ما تعذر لو حداها ظرف
تفز بلحظة احساسك ولو همك يدارقها
تمد لك اليدين أصدق غلا في كل دين وعرف
تسابقها العواطف لو عنا بعدك يسارقها
لو انك تلفت في البال للذكرى بعين الترف
تهادت لك نجوم الليل وانكفت مشارقها
ترى الشاطر ينزح منزله عن كل حافة جرف
وكل الناس تظهر في مبانيها فوارقها
"مدارات شعبية"