من صفط لك صفط غلٍ في ضميره
لا تحرى منه صفطٍ للمبره
والله انك لو عن اعدامه تجيره
ما وزن لك بالوفا مثقال ذره
مبغضٍ صنّاع اذى فرقاه خيره
كان ما ضرك سعى لك بالمضره
يهلك الفيوم ما خلّى صغيره
يا مدور سكرٍ في جوف مرّه
خل عنك معابلة هوجٍ ضريره
لا تحط يديك بيدين المكرّه
شم لوجةٍ جمله صافي سريره
ابلجٍ بالضيق ما تغشاه كرّه
ان نخيته سلّ سيفه من جفيره
وان ذخرته ما تبي بذّه تشرّه
قلتها واخو العقل في كل ديره
ما لعينه من قديم الوقت قرّه
هضم حق اهل العقول المستنيره
كدّر نجومٍ سمت فوق المجرّه
حد ابا الطيب على الهجر وهجيره
واسكن الياس بحشا راع المعرّه
ما صفى بين السير بالعشر سيره
حدثت عن عارفٍ ذاق المسرّه
يا كثر من عرفه افضاه لمصيره
كم ليببٍ عاش حِرّ ومات حَرّه
ذا وكلٍ له على نفسه بصيره
من هداه الله ومن مغويه غرّه
"مدارات شعبية"