أبيك تذكرني مع الناس بالخير
لي مر لي طاري وذكرى وسيره
تخفى المشاعر.. فوق بوح التعابير
ولا تاثر بين غيره وحيره
تسمع.. ولا تاخذ وتعطي مع الغير
عني ولا تذكر خفايا مثيره
خل الغلا يبقى معزه وتقدير
على الفراق اللي بدينا مسيره
وخل الغريب بغربته في المشاوير
الى تعب وقف ونوّخ بعيره
ما ابي تذكرني على كل تفكير
في عشرةٍ فيها الأماني كثيره
اللي عليها غيرتنا المقادير
وخلت طويلات الليالي قصيره
حقيقةٍ وأزف فيها التباشير
لك يا عذاب الأمس كلمة أخيره
"مدارات شعبية"