ماجور يا شيخ فقد له جنيني
يجبر عزاك اللي خلق جنه ونار
على المصيبه جعل ربك عويني
عساك تسلم من صواديف الأقدار
جعل العوض لك نسله الصالحيني
وتقر عينك بالكبيرين وصغار
اعياله الأشبال والمصغريني
لعلهم للعز مع طول الأعمار
تشوفهم في كل وقت وحيني
مكان ابوهم ستر للضيف والجار
مصايب الدنيا تجي كل حيني
الله على عبده يدبر ويختار
يا الله يا جابر عزا الصابريني
اجبر عزا اللي صابه الحزن تكرار
يا بو محمد كان قلبك حزيني
لعل من لامك يجمّع من القار
عينك تعاف النوم والحزن شيني
يومي بك الهاجوس يمين ويسار
عزاه يا قلب وقف مرتيني
ان قلت صبرك قال ما شفت وش صار
يا الله يا مجزل عطا الصابريني
اغفر اذنوبه يوم شخصات الأبصار
عساه بالفردوس مع والديني
امه وابوه اقصورهم بين الأبرار
اغفر ذنوبي وارحم المسلميني
اجعل لنا في جنة الخلد مقرار
وصلاة ربي عدو بل الغشيني
اعداد نبت العشب مع وبل الأمطار
"مدارات شعبية"