مرحوم يا شيخ السدارا توفا
خال الملوك اللي فعوله قديمات
هلت أدموع العين من يوم قفا
اقفا لعله بالجنان الفسيحات
مرحوم يا اللي بالنواميس وفا
لو مات أبو فيصل تر الفعل ما مات
خمسين عاما كلها ما تخفا
بالجوف زيزوم الشرف والمهمات
عشير ضيفه بالنشاما يتحفا
تشهد له الدكه وذيك المساحات
الدكه اللي من يجيها تعفا
يلقا الشحم والعود وصطول خلفات
هداج تيما ما بعد قيل جفا
من جاه يروى بالسنين الشحيحات
ملجا الضعيف اللي له الوقت هفا
دونه يضد أهموم بقعاء الثقيلات
ترا العوض بالشيخ لو هوتوفا
أعياله اللي ينطحون الصعيبات
ما مات من عقب جنيه مصفا
خمس الحرار أهل الكرم والمروات
فيصل أبو ماجد وسلطان كفا
وزياد له بالطيب وقفه وعادات
وعبدالعزيز اللي كما الحر لفا
وسلمان سلمان السعد كل الأوقات
"متابعة "