الا يالله ولا حول ولا قوة الا بك
يارب وما لنا غيرك ياواحد بالربوبيه
نجيك ونرتجيك وكلنا يالله على بابك
وكل يرتجيك ويطلبك تقبل رجاويه
بعد حمد الله وشكره ياليل الحزن وش جابك
فجعت الامة بشخصية ماهيب عادية
وانا من جاني علم الشيخ قالوا يجبر مصابك
وانا ما ادري بنفسي لا ولا ادري من حواليه
رحمك الله ياشيخ ويلهم السلوان لاحبابك
بفقدانك فقدنا من غدى للمجد ماريه
نزل حزنك على كل القلوب وهزنا غيابك
وشفنا فالعيون الدمع يكتب فيك مرثيه
رحلت ونورك بكل الدروب يشع واطيابك
تفوح وسيرتك ياطيب السيره مثاليه
يا راعي الخير وانت الخير تحكي به ويحكابك
ولو عنا رحلت وغبت تبقى سيرتك حيه
يا رمز العلم يا رمز التواضع والوفا كتابك
يا نبراس التفاني والعطا يا صافي النيه
يا تاريخ الضيا يا مشعل الايام.. وآدابك
على شفاه الزمان اسطورة ماهيب منسيه
بغيت اوصف مآثرك ونخيت الشعر يبدابك
وخانتني معانيه وخفاياه وقوافيه
رثتك المجمعه والعلم والتاريخ يزها بك
يا شيخ وسولفت في سيرتك كل السعوديه
عسى غيث من الغفران ينزل يسقي ترابك
ونفسك فالخلود تعيش راضيةٍ ومرضيه
وانا يا لله طلبتك وانت ابد ما خاب طلابك
رجانا يارجى اللي فيك ما خابت رجاويه
"مدارات شعبية"