طول غيابك يا نظر عين مغليك
الجرح زاد وصار فوق احتمالي
تتعبني الفرقا ولا نيب ناسيك
وتحرقني أشواقي وسود الليالي
أسهر وروحي بالليالي تناديك
غالي على قلبٍ شقا فيك غالي
ماتت حروفي منك ولو موتها فيك
بين الشفايف صمت واحرقت حالي
ارجع وخذ قلب العنا بين أياديك
كن الفضاء من دون شوفتك خالي
وازرع أمل للشوق في نفس تعطيك
نفس الوفاء يكفيني اللي جرالي
لا تمتحني بالغياب وتغلّيك
مثل القمر قدرك عن الناس عالي
"مدارات شعبية"