تغيب عن عيني جميع الأصاحيب
لا شك هذا غيبته لي مصايب
ويضيق صدري لا قريت المكاتيب
ويحز في نفسي ليا صار غايب
الصاحب اللي ساكن بالمحاديب
حبه ..وله قلب العنا دوم ذايب
هذاك له حبٍ مسوي الأعاجيب
ما مر مثله بين كل الحبايب
هذاك يعجبني بكل الأساليب
ذوقه على ذوقي.. له البال طايب
لا اسمع ولا اوحي في غرامه ولا اجيب
ولا أبي من عقب شوفه طلايب
أحتاج له ما ابيه عن عيني يغيب
حيثه غدا لي رأس مال وقرايب
غلاه يرفعني عن الشك والريب
والظن به ما عوّد بيوم خايب
أحفظ له غيابه وفا وأحفظه طيب
ولا ابدله لو صار هالراس شايب
"مدارات شعبية"