واعيني اللي لها دور السنه ما تهتني بالمنام
كشف عليها الطبيب وحيرت فكري وفكر الطبيب
يقول عينك مرضها كن له خمسة وعشرين عام
والله فلا أدري تطيب من الدوا.. ولا بعد ما تطيب
أصيح وانخي طبيب الحنجره وانخى طبيب العظام
من شافها صد واقفى قال: لو ناديت مالك مجيب
ما باقي إلا الله ابرك ثم يا عيني طبيب الغرام
رجاي بالله قوي والظن بالله ثم به ما يخيب
إن كان ما فادني بدواه يا عيني عليك السلام
أصبر وبالصبر مفتاح الفرج يا الله فرجك القريب
دواي في ديرةٍ من دونها اللي زهبته بالحزام
أقطع من السيف أو حدين دايم فتنته ما تغيب
في ديرةٍ جيتها بالعمر مرّة جعلها للهدام
أمسيت فيها سليم ورحت منها جرح قلبي عطيب
مرّيتها واشغلتني في حياتي واعدمتني عدام
لو اشتكي قيل لي مالك على الأذناب حقٍ مصيب
صادفت لي جادلٍ راحت بروحي ما يفيد الكلام
يا الله يا الله يا ربي تعود به الرجا والنصيب
"مدارات شعبية"