لا قلت عبدالله وقف لسمه طويق
والعارض العارض يسرق العزاوي
وإن قلت أبومتعب تزين الطواريق
يفخر قصيدي في بعيد الهقاوي
لا قلت عبدالله وقف لسمه طويق
والعارض العارض يسرق العزاوي
حبّه نمى نبع الوفاء بالمعاليق
والحب نبع إحساس وأمره سماوي
رجل المواقف لعتزى ساعة الضيق
طب الخصيم ونعم نعم المداوي
حكمه عدل ما فيه ميله وتفريق
الشعب واحد مدّهم بالتساوي
يفرح بشوفة سيدي يابس الريق
إللي عليه من البلاوي بلاوي
حاكم وحكمه ما دخل فيه تلفيق
بالسيف والفعل العظيم الرهاوي
خادم بيوت الله للعلم توثيق
في كل بقعه في جميع النحاوي
وولي عهده هو زبون المطاليق
سلطان من يجهل بسلطان غاوي
سلطان عدوانه لطيبه عشاشيق
وشلون حبّوه ريف الجلاوي
وحنّا هل الطّوله نحفظ المواثيق
إليا دعونا لا حشى ما نراوي
شعب السعودي غرب ولاّ تشاريق
دون الوطن موت وحياه متساوي
"مدارات شعبية"