اللهم احفظ لنا نايف وزير الداخلية
يا جليل الملك يا منشي هماليل السحايب
طالبينك يا عظيم الشان يا رب البرية
جل شانك عد ما هبت ذعاذيع الهبايب
أشهد انه راعياً يحرص على أحوال الرعية
مستتب الأمن بوجوده ولا يوجد مصايب
الأمير ابن الإمام الشهم لا يوجد حليه
شامخ الأوصاف والأفعال مقدام الكتايب
جاذبه من صبح المصمك وزال الجاهلية
واستعاد الحكم لا يوجد بتخطيطه شوايب
كلنا نايف جميع أرواحنا دونه هدية
والله ان أرواحنا تفداك يا عطب الضرايب
عاش نائب داخليتنا حفظ عنه الوصية
الأمير أحمد محنك جاذبه بالطيب شايب
صاحب الوجه المنير وصاحب النفس الرضية
وا عذاب اللي يقومها على راسه شبايب
له يميناً تلطم العايل مخاليبه قويه
نادراً من ناشته يمناه عقب له صوايب
ما يجي منه الخطا لاكن ما يقبل خطيه
عادل وعاقل كثير الخير سداد النوايب
من خفافيش الظلام بجهد الدار محميه
مثل ابوه احتمى داره على عوص النجايب
وثالث الأحرار فالميدان مقدام السرية
حاضراً فالشئون الأمنية بطيبه ما يغايب
للأمير محمد بن نايف ازكى مقدرية
درع منسوبين الامن ومنهي لكل الطلايب
فيه ردع الظالم بعرفه ورفع المعنوية
الشجاع اللي يدرس اخطاره ما هو بهايب
والولا منا قبل ما نلتحق بالعسكرية
مثل ما اجدادنا والوا على ظهور الركايب
يا وطنا كلنا ضد الجهل والعنجهية
ضد للإرهاب واللي ييد الارهاب خايب
عزنا من عز حكاماً حموا نجد العذية
عندنا غالين منهو طابله أو غير طايب
يا عظيم الشان تبعد عن وطنا كل سيه
لا إله إلا انت يالمعبود يا جزل الوهايب
والسلام ختام وارفع للمعازيب التحية
هم سبب خير الوطن لا غيرهم يوجد سبايب
"مدارات شعبية"