أرى العين في شرٍ تزايد شبيبها
وعزاه يا عينٍ تعذر طبيبها
فيما بدا لي هاض قلبي غزايرى
واخترت من فيض المعاني صويبها
معاني وإن سقتهن داون الحشا
والروح تشفى من صوالي لهيبها
ودام التفكر في حياة لعلها
تافي ويظهر لي مضامين طيبها
منها عجز فكري ونفسي تكدرت
يا طامع فيها ينولك نصيبها
لا صار فيها رفقةٍ ما تسرني
مالي بها لو هو تكامل عشيبها
خليتهم وإن كان نفسي تريدهم
لا خير في نفسٍ تقاصر كسيبها
ولا خير في رَجلٍ تقوده عواطفه
جداه دمع العين يجري سكيبها
ولا خير في رَجلٍ تشكّى على الملا
جداه في كلمة تبين غليبها
وأشوف أنا بالدرب حطت حبايلي
وعفت الديار اللي زلالٍ قليبها
لا شك دار الشر منها مصيبتي
أعافها وإن سال فيها شعيبها
أعيش في دار وسيع زراجها
وأبعد بروحي دوم عما يريبها
يسرني شوفي تقافي سرابها
لا دجتها وهموم روحي تشيبها
لعلها تبري مكامين علتي
وتبدِّل غصونٍ عَفَت في رطيبها
وتحيي فؤادٍ ما تهنا بعيشته
دايم سهوم الشر يشكي عطيبها
"مدارات شعبية"