أنت القمر أو القمر ما خذ منك
اشعاع نوره أو يشع منك أو فيك
أنتِ الحلا أو الحلا لك ومكنك
من قلبي اللي حبك ودوم يغليك
أنت السعد أو الفرح ساس موطنك
أنت هنا والا السعادة تباريك
أنت ذهب أو الذهب أصل معدنك
أو اني من اجل الغلا تايه فيك
أنت البحر ولا البحر فيه مسكنك
أو البحر يروي غموضه ويرويك
أنت وش انتي من تبين انشده عنك
أنت لغز يابنت انا حايرٍ فيك
لا انتي منعتيني لاجل امتنع منك
ولا انتي عطيتيني ولا قلتي أجيك
يشتاق لك قلبي وهو دوم يحضنك
والروح تفداك وقسم إني أغليك
انتي قصيدة روح لي كيف أدونك
انتي أساسا داخلي كيف أغنيك
"مدارات شعبية"