راكب اللي ما يعوزه تواصيف
حمراء تورد به ليا سرب اللال
قب الضلوع وطولها بالأطاريف
شقراء شعر به من تحت تقل سروال
يزال جفله للخلاوي على الكيف
عاقل تحض المزهبه لين تشتال
ويروحه مع وادي ذل ومخيف
ركّابها عده عن الجيش خيال
ويدرهمه تشدى سريع الشواحيف
يكتله موجٍ بعيد عن الجال
منوة غريبٍ دون حيه مياهيف
اللي من الثنتين يآمن به الذال
تلقى لربعي نازلين الأطاريف
نزالة الحزم المطرف ليا سال
ربعي هل الطولات وتكرم الضيف
ربعي هل الردات ماضين الأفعال
بتفرق الشوفات يا حيف يا حيف
الله وحد مطاح بالفكر رجال
الفكر ساس الحض والفعل بالسيف
والعز بجمع الرفاقة والأفعال
وليا ضاع فكرك شاور أهل المعاريف
الله جعل لمدور الفكر الأسيال
ولا تشاور إلا من يخوفك ويخيف
يتيه راي مشاور البايه الضال
ولا طيع مقرودٍ يدربيك بالهيف
وليا سرابك قبلةٍ تصبح شمال
بير العيا من طببه قيل ما شيف
همجٍ ولا عمره ظهر منه حيال
وصيور ما للقالات تاتي مناكيف
وتصير كسبات الفشايل لمن عال
يا ناس بقنا الله بكثر المحاليف
هو الذي عنده ميازين الأعمال
"مدارات شعبية"